“Antichrist”, horror psikologjik i Lars von Trier që sfidon kufijtë e tmerrit dhe emocioneve

Filmi horror “Antichrist” i Lars von Trier, i njohur për tmerrin dhe skenat eksplicite, është tashmë i disponueshëm për t’u transmetuar në Prime Video këtë Halloween.

I publikuar për herë të parë në 2009, filmi rrëfen historinë e një çifti që tërhiqet në një kasolle të izoluar për të përballuar vdekjen aksidentale të djalit të tyre, duke shfaqur një rrjedhë ngjarjesh nga keq në më keq, me dhunë fizike dhe vizione demonike.

Willem Dafoe dhe Charlotte Gainsbourg interpretojnë rolet kryesore, me Gainsbourg e cila u shpërblye si Aktorja më e Mirë në Festivalin e Filmit në Kanë në 2009, shkruan DailyMail.

Reagimet e publikut kanë qenë të përziera; disa shikues kanë humbur ndjenjat ose janë larguar nga kinematë, duke e quajtur filmin jashtëzakonisht të tmerrshëm.

Kritikët e përshkruajnë si horrori artistik që kombinon bukurinë vizuale me skena tronditëse dhe një analizë të thellë psikologjike të dhimbjes dhe vuajtjes së personazheve.

Filmi ka marrë një vlerësim prej 58% në Rotten Tomatoes dhe është përshkruar nga The Spectator si “vizualisht atmosferik, me performanca të papërpunuara dhe të guximshme”, ndërsa AV Club e quan “një film personal dhe të guximshëm, që eksploron besimin, frikën dhe natyrën njerëzore në një fantazmagori të pakufizuar”.

Willem Dafoe e ka përshkruar “Antichrist” si “të keqkuptuar”, duke theksuar politikat seksuale dhe tensionet psikologjike që qëndrojnë në zemër të filmit, dhe duke vlerësuar talentin e Lars von Trier si regjisor.