Telenews

Kurti takohet me Ballkanin: Suhareka është shndërruar në qytet të sportit

Kryeministri Albin Kurti ka takuar kampionin e Kosovës në futboll, KF Ballkanin.

Kurti së bashku me ministrin e Kulturës, Rinisë dhe Sportit, Hajrulla Çeku, kanë pritur drejtuesit e Ballkanit, futbollistët dhe stafin teknik.

“Tre vjet rresht, tre herë kampion në Superligën e futbollit në Republikën e Kosovës, ndërkaq sivjet për herë të parë edhe fitues i Kupës së Kosovës. Ky sukses i jashtëzakonshëm shkon për klubin futbollistik KF Ballkani nga qyteti i Suharekës, që pa dyshim është shndërruar në qytet të sportit,” shkruan Kurti.

Teksa shton se “me gjithë këto suksese, me pjesëmarrje edhe në garat kualifikuese për Ligën e Kampionëve, me shumë lojtarë që nga ky klub tash janë pjesë e shumë ekipeve të njohura në Evropë e më gjerë, e ardhmja e kampionit aktual të futbollit në Kosovë është pa dyshim edhe me më shumë suksese.”

Kryeministri i ka falënderuar për emocionet dhe dhuratën që i është bërë.

“Ju faleminderit për emocionet e festat këtë stinor. Faleminderit edhe për dhuratën e veçantë, topin e futbollit me nënshkrimet e futbollistëve kampion, me të cilin, Ballkani e filloi ndeshjen historike në pjesëmarrjen e parë të ndonjë klubi vendor në Ligën e Konferencës.”

source

Të ngajshme

Thirrjet nacionaliste të tij, UEFA bën të ditur se ka filluar hetimet ndaj futbollistit spanjoll

Donat Hashani

Vlera e Yamal në treg merr një rritje ‘astronomike’ pas përfundimit të Euro 2024

KushtrimGuraj

Milani bën goditjen e madhe, nënshkruan me lojtarin e fituesit të Euro 2024

Donat Hashani