Kampionia olimpike kosovare në xhudo, Nora Gjakova, ka arritur një sukses të ri jashtë tatamit.
Të enjten, ajo u përzgjodh si anëtare e Komisionit të Sportistëve të Federatës Ndërkombëtare të Xhudos (IJF), me propozim të Komitetit Ekzekutiv të kësaj federate.
Mandati i saj është katërvjeçar dhe fillon menjëherë.
Federata e Xhudos e Kosovës ka përshëndetur këtë arritje, duke theksuar kontributin e Gjakovës si kampione olimpike, medaliste botërore dhe kampione evropiane, dhe duke vlerësuar përkushtimin dhe eksperiencën e saj që do ta bëjnë atë një përfaqësuese të shkëlqyer të sportistëve në nivel global.