Nënkryetari i LDK-së Lutfi Haziri, ka njoftuar se i ka vdekur vëllau, Bedriu.
Haziri tha se ai ishte duke u trajtuar në spitalin universitar të Zurichut, pasi vuante nga një sëmundje e rëndë.
“Ka qenë më i miri mes nesh, por Zoti e deshi më shumë se ne. Shpirti i tij bën dritë nga sonte. Do të kujtojmë përjetë për shpirtin e bardhë e njerëzinë!”, shkroi në njoftimin e tij Haziri.
Ish-kryetari i Gjilanit shtoi se detajet e varrimit dhe të pameve do të bëhen të ditura me kohë.