Sot me 2 qershor janë bërë 25 vite nga rënia heroike e dëshmorit, Agron Bytyqi.
Dëshmori, Agron Bytyqi ishte vetëm 21 vjeç kur dha jetën për çlirimin e Kosovës, transmeton Telenews.al
Edhe pse i ri në moshë Agroni, ishte rreshtuar në radhët e Ushtrisë Çlirimtare të Kosovës, ku morri pjesë në të gjitha betejat që u zhvilluan në Zonen e Pashtrikut, u dëshmua si një luftëtar i guximshëm.
Me një vullnet të pathyeshëm, Agroni morri pjesë në të gjitha betejat që u zhvilluan nga Brigada 124.
Për shkak të guximit të tij të pashoq, komandanti i njësitit special “Syri i Shqiponjës” Xhavit Elshani e inkuadroj Agronin dhe vëllaun e tij Jetonin në njësitin elitë të Brigadës, ku ata vazhduan kontributin e tyre.
Pas një beteje të ashpër dhe sulmeve të pareshtura serbe në fshatin Qëndresë (Randobravë), duke i ndihmuar bashkëluftëtarët e tij gjatë luftimeve, me 27 Maj Agroni plagoset rëndë, kurse nga plagët e marra me 02 Qershor 1999 merr përjetësinë duke ju bashkuar karvanit të dëshmorëve.
Miqtë e tij përcjellin fjalët e dëshmorit nga Prizreni, ku ai thoshte se “Liria fitohet me gjak dhe gjakun për atdhe duhet derdhur të gjithë shqiptarët”.