Kryetari i Mitrovicës së Veriut ka kërkuar nga Zyra Kombëtare e Auditimit që të fillojë auditimin e komunës të cilën e udhëheqë.
Lajmin e ka bërë të ditur vet Atiq përmes një postimi në Facebook, ku ka publikuar edhe letrën që ia ka dërguar ZKA-së.
“Sot kam kërkuar zyrtarisht nga Zyra Kombëtare e Auditimit që të fillojë auditimi i Komunës së Mitrovicës së Veriut për vitet 2021 dhe 2022” ka shkruar ai.
Atiq një ditë më parë ka njoftuar se i është drejtuar edhe Operatorit të Sistemit, Transmisionit dhe Tregut të energjisë elektrike (KOSTT) dhe Zyrës së Rregullatorit për Energji (ZRRE) me kërkesë për të filluar pagesën e rrymës elektrike në institucionet publike të kësaj komune.
Ai po ashtu ka kërkuar që të marrë informacione për borxhin që duhet paguar për rrymën e papaguar nga komuna që ai drejton