Ish-kryeministri i Kosovës, Avdullah Hoti ka thënë se vet Kryeministri Kurti kohë më parë kishte deklaruar se ambasadori amerikan e kishte informuar lidhur me zhvillimet në veri që ai vetë nuk i kishte ditur, shkruan Gazeta Online Reporteri.net.
Ndërsa tani, siç thotë Hoti, ata po replikojnë në sikron me Sekretarin Blinken, “se ai është naiv e nuk është i informuar për veriun”.
“Zoti na ruajtë, se këta nuk dinë çfarë bëjnë”, shkruan mes tjerash Hoti në Facebook.
Postimi i plotë:
Ushtarët amerikan janë çdo ditë në veri, si pjesë e KFOR-it, duke e siguruar paqen. Para një kohe, vetë kreu i qeverisë kishte deklaruar se Ambasadori Amerikan e kishte informuar për gjëra lidhur me zhvillimet në veri që ai nuk i kishte ditur, edhe pse AKI-ja është në teren dhe e ka për detyrë të kuptojë se çfarë ndodh e çfarë pritet.
Ndërsa, pushtetarët e Kosovës në sinkron replikojnë me Sekretarin Blinken se ai është naiv e nuk është i informuar për kontekstin politik në veri.
Zoti na ruajtë, se këta nuk dinë çfarë bëjnë.