Komuna e Vushtrrisë ka njoftuar se për shkak të vërshimeve që ndodhën në orët e mbrëmjes, kryetari i kësaj komunë ka marrë vendim për shpalljen e gjendjes emergjente duke krijuar edhe një shtab emergjent.
Sipas njoftimit, situata në terren nuk është aspak e mirë, sidomos me daljen nga shtrati të lumit Tërstëna.
“Pas vërshimeve të fundit që ndodhën në orët e mbrëmjes situata në teren nuk është aspak e mirë sidomos me daljen nga shtrati të lumit Tërstena.”, thuhet në njoftimin e Komunës në Facebook.
“Andaj ju apelojmë që të bëni kujdes të shtuar pasi që orët në vijim mund të jenë kritike sidomos pjesa e Qytetit. Kryetari i Komunës ka marrë vendim për të shpallur gjendje emergjente dhe ka krijuar një Shtab Emergjent i cili ka filluar punën në teren.”, thuhet në njoftim.
Ndërkaq I ka bërë ftesë qytetarëvë të cilët banojnë afër Lumit Podranqa dhe Tërstena që të përgatiten për evakuim.
Njoftimi i plotë: