Blerim Vela, shef i stafit të presidentes së Kosovës, ka reaguar pasi tre policët kosovarë u dërguan në paraburgim sipas vendimit që mori Gjykata në Kraljevë.
Vela në Twitter ka shkruar se Vuçiq duhet t’i lirojë menjëherë policët.
“Mediat e regjimit të saj e kanë portretizuar gabimisht ‘sulmin terrorist’ si shkak të rrëmbimit të policëve të Kosovës. Tani, gjykata në Kraljevë i akuzon ata për armëmbajtje pa leje. Vuçiq duhet të lirojë menjëherë oficerët”, thotë ai.
Ndryshe, tre policëve të Kosovës të arrestuar nga forcat serbe më 14 qershor, iu shqiptua masa e paraburgimit.
Gjyqtari i procedurës paraprake në Gjykatën e Lartë në Kralevë e mori vendimin pas kërkesës së prokurorit publik të këtij qyteti në jug të Serbisë.
Sipas njoftimit, tre policët dyshohet se kanë kryer veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse.
Serbia under Vučić is a lawless banana republic. Its regime media falsely portrayed “terrorist attack” as the reason for abduction of the Kosovo Police officers. Now, the court in Kraljevo charges them for possessing weapons illegally. Vučić must release the officers immediately! pic.twitter.com/tbJ64on55R
— Blerim Vela (@Blerim_Vela) June 16, 2023