Deputeti i Lidhjes Demokratike të Kosovës, Avdullah Hoti ka thënë se lirimi i tre policëve të Policisë së Kosovës është lajm i mirë.
Ai ka falënderuar ndërkombëtarët për lirimin e policëve dhe Shqipërisë për angazhim dhe koordinim me aleatët e Kosovës për lirimin e tre policëve.
“Falënderojmë miqtë ndërkombëtarë për përkushtimin për lirimin e tyre. Republika e Kosovës është mbështetur gjithmonë tek miqtë. Falënderim i veçantë për Shqipërinë për angazhimin e fuqishëm dhe koordinimin me aleatët e Kosovës për lirimin e policëve”, ka shkruar ai.
Gjatë ditës së sotme, Gjykata në Kralevë ka marrë vendim për lirimin e tre policëve të Kosovës që ishin rrëmbyer nga forcat serbe me 14 qershor.
Rifat Zeka, Beqir Sefi dhe Mustafë Shemi, u kidnapuan më 14 qershor brenda territorit të Kosovës./