Lëvizja Vetëvendosje ka dalë sot me një video ironizuese, ku flet për “veprimet dhe deklaratat e opozitës”.
Në një postim në Facebook, LVV thekson se “mirë që kjo opozitë nuk është në qeveri se do e dorëzonin vendin para Serbisë.
“Opozita flet për izolim ndërkohë që sa ishte në pushtet fali tokë, nënshkroi ‘Zajednicë’, shiti e vodhi pasuri publike duke na mbajtur për 20 vjet të izoluar.
Flet për fonde, tash kur i mbanë 150 milionë euro të bllokuara duke mos i votuar marrëveshjet ndërkombëtare në Kuvend.
Flet për çmime të larta ndërkohë që e ka dërguar Ligjin për çmimet tavan në Gjykatë Kushtetuese.
Mirë që kjo opozitë nuk është në qeveri se do e dorëzonin vendin para Serbisë siç dëshmuan së fundi me kërkesën e tyre (të njëjtë me Serbinë) që të largohen kryetarët legjitim nga objektet komunale në pjesën veriore dhe të organizohen zgjedhje të reja”, shkruan LVV.