Kryetari i Prishtinës, Përparim Rama i ka dhuruar çelësin e qytetit ambasadorit të Norvegjisë në Kosovës, Jens Erik Grøndahl.
Siç thuhet në njoftim, kjo është bërë në shenjë falënderimi për angazhimin dhe kontributin e vazhdueshëm në forcimin e marrëdhënieve mes dy shteteve.
“Shumë i lumtur t’i dhuroj “Çelësin e Qytetit” Ambasadorit norvegjez Jens Erik Grøndahl, për të gjithë mbështetjen që Norvegjia nëpërmjet tij ka dhënë dhe vazhdon të jap për Prishtinën” – deklaroi Rama.
Me këtë rast, Ambasadori Grøndahl falënderoi për këtë vlerësim kryetarin Rama dhe u shpreh se do ta vizitojë përsëri Prishtinën pavarësisht se përfundon misionin e tij në Kosovë.