Deputetja e PDK-së, Ganimete Musliu e ka hequr shiritin kufizues të vendosur për mediat nga Kuvendi i Kosovës.
Ajo është filmuar duke i hequr shiritat të premten para fillimit të seancës së fundit të seksionit pranveror.
“Edhe s’guxoni ma hiç m’i ngjitë”, është shprehur ajo.
Pamjet janë publikuar nga Kallxo.com
Të enjten Kuvendi është arsyetuar se ka vendosur shiritin për shkaqe sigurie. Na ballkonin e Kuvendit, nga ku mundësohet pamja e plotë e sallës së seancave, janë vendosur rregullisht ekipet e gazetarëve që kanë përcjellë seancat. Ajo është hapësira e vetme nga e cila gazetarët mund t’i përcjellin punimet e Kuvendit.
Shtyrja prapa e ekipeve, kufizon pamjen e plotë të sallës së seancave. Për veprimin e njëjtë gjatë ditës së djeshme, gazetarët bojkotuan seancën.