E hëna ishte tragjike për familjen Hajdarpashiq nga fshati Dobrushë i Istogut. Familjari i tyre, Damko Hajdarpashiq, 77-vjeçar, u aksidentua dhe fatkeqësisht nuk mundi të mbijetojë. Si pasojë e aksidentit edhe nëntë persona të tjerë mbetën të lënduar, ndërsa dy persona janë arrestuar.
Burimet e Gazetës Sinjali brenda Prokurorisë kanë bërë me dije se dy të arrestuarit janë Almir Hajdarpashiq 44-vjeçar dhe Vehbi Blakaj 55-vjeçari.
Në një njoftim të ri, Policia ka njoftuar se aksidenti dyshohet se ndodhi si pasojё e mospёrshtatjes sё shpejtёsisё dhe tejkalimit tё pasigurt.
“Rreth orës 22:40, Policia është informuar për një aksident trafiku i cili ka ndodhur në fshatin Dobrushё- Istog. Nё vendin e ngjarjёs kanё dalё njёsitet kompetente tё Njesitit Rajonal tё Komunikacionit Rrugor (NJRKRR).
Nё kёtё aksident ishin tё involvuara, njё traktor dhe dy automjete, dyshohet se deri te aksidenti ka ardhё si pasojё e mos pёrshtatjёs sё shpejtёsisё dhe tejkalimit tё pasigurtё.
Nё vendin e ngjarjёs kanё arritur zjarrёfikёsit dhe autoambulanca, dhjetё (10) personat e pёrfshirё nё aksident janё dёrguar me autoambulancё dhe me automjete private nё Spitalin Rajonal nё Pejё, pёr tretman mjekёsor, aty nga mjekёt kujdestarё ёshtё konstatuar vdekja e njёrit nga personat e lënduar.
Me urdhër të Prokurorit shtetit trupi i pa jetë i viktimës dërgohet në Institutin e Mjekësisë Ligjore në Prishtinë, për Obduksion.”, ka njoftuar Policia.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.