Prishtinë- Ministria Arsimit, Shkencës, Teknologjisë dhe Inovacionit (MASHTI) të enjten e ka emëruar Ekrem Rudarin në pozitën e zëvendësuesit të detyrës së drejtorit të Qendrës së Studentëve në Prishtinë, pozitë të cilën e kishte mbajtur Fatmir Sfishta me mbi 10 vjet.
Në vendimin e siguruar nga burimet e “Betimi për Drejtësi” brenda MASHTI thuhet se si zëvendësues i drejtorit të Qendrës së Studentëve emërohet Ekrem Rudari.
“Emërohet z.Rudari zëvendësues i drejtorit të Qendrës së Studentëve, deri në emërimin e drejtorit të Qendrës së Studentëve”, thuhet në vendim.
Departamenti për Menaxhimin e Zyrtarëve Publikë në kuadër të Ministrisë së Punëve të Brendshme kishte gjetur se si ish-drejtori Sfishta kishte mbajtur pozitën e drejtorit në kundërshtim me ligjin për mbi 10 vite.
Gjithashtu “Betimi për Drejtësi” kishte shkruar për largimin e Sfishtës nga pozita e drejtorit me 7 gusht 2023.