Gazeta raportoi sot për një ngjarje të rëndë që ka ndodhur në komunën e Gjakovës, ku një grua është gjetur pa shenja jete në shtëpinë e saj.
Burimet e Gazetës bëjnë të ditur se viktima është Duda Belaj, 51-vjeçare e cila kishte jetuar e vetme në shtëpi.
Burimet bëjnë të ditur se posa rasti është denoncuar, ekipi mjekësor ka dalë në vendin e ngjarjes, ku është konstatuar vdekja e viktimës.
I marrin mbi 1700 euro pagë, për tetë muaj deputetët miratuan vetëm 22 projektligje
Ndërkohë edhe njësitet policore kanë intervenuar, ku janë kryer ekzaminimet e nevojshme për zbardhjen e rrethanave të rastit.
Me urdhër të Prokurorit, trupi i pajetë është tërhequr për t’u dërguar në IML për obduksion, teksa kanë nisur edhe hetimet.
Rastin është konfirmuar edhe nga Policia e Kosovës.
“Raportohet se viktima femër kosovar është gjetur pa shenja jete në shtëpinë saj. Njësitë relevante policore dhe ekipi mjekësor kanë dalur në vendin e ngjarjes ku është konstatuar vdekja e viktimës. Me vendim të prokurorit trupi i pajetë i viktimës është dërguar për obduksion”, deklaron Policia./Telenews./