Lulet janë mënyrë e shkëlqyeshme për t’i rritur nivelet e oksigjenit në dhomë dhe për ta përmirësuar kualitetin e ajrit
Por, ka edhe lule tjera fitimprurëse të cilat ju ndihmojnë ta përmirësoni disponimin, ta luftoni ankthin e depresionin, si dhe t’i parandaloni sulmet e panikut.
Hulumtuesit kanë gjetur një lidhje direkte mes stresit dhe niveleve të oksigjenit, ku kanë dëshmuar se nivelet e larta të toksinave në ajër shpijnë në ankth dhe stres. Rrjedhimisht, ju mund ta përmirësoni dukshëm disponimin dhe ta ulni stresin e ankthin duke i rritur nivelet e oksigjenit në dhomë.
Në studimet e publikuara, shkencëtarët kanë treguar se lulja e jaseminit rritë efektet e një kimikali të quajtur GABA në qelizat nervore, dhe rrjedhimisht e lehtëson ankthin dhe e inkurajon pushimin.
Ndër tjerash, ata kanë zbuluar se vaji esencial i jaseminit është mënyrë efektive natyrale për ta përmirësuar gjumin, për ta rritur lumturinë, për t’i rregulluar hormonet dhe për ta trajtuar ankthin e lodhjen. Gjithashtu, mund të përdoret edhe për rritjen e përqendrimit.
Andaj, duke marrë parasysh këto dhe shumë studime tjera që i mbështesin të njëjtat pohime, ekspertët rekomandojnë ta mbani lulen jasemin në dhomë të fjetjes. /Telenews/