Shefi i politikës së jashtme të Bashkimit Europian, Josep Borrell nesër kryeson një takim ministror BE-Ballkani Perëndimor në Bruksel, me gjashtë ministrat e Jashtëm të rajonit.
“BE-ja mbështet në anëtarët e saj të ardhshëm për përgjigje të bashkuara ndaj sfidave aktuale gjeopolitike nëpërmjet solidaritetit dhe bashkëpunimit të ngushtë”, thuhet në njoftimin që BE-ja e ka shpërndarë edhe në “X”.
Njoftimit i është bashkuar një video e shkurtër, ku tregohet se cilat do të jenë temat e diskutimit.
“Ata do të diskutojnë për sfidat e përbashkëta të sigurisë, bashkëpunimin në politikën e jashtme dhe të sigurisë, përgatitjen e ngjarjeve të ardhshme të nivelit të lartë, angazhimin politik midis BE-së dhe rajonit janë thelbësore”.
Aty thuhet edhe se “BE-ja mbështet në anëtarët e saj të ardhshëm si partnerë të besueshëm”.
“Përgjigja jonë ndaj sfidave aktuale gjeopolitike është solidariteti dhe bashkëpunimi i ngushtë. Të ndërtojmë qëndrueshmëri dhe ta promovojmë paqen, sigurinë dhe demokracinë në kontinentin tonë”, thuhet në njoftim.
This week, @JosepBorrellF chairs the EU – Western Balkans Ministerial in Brussels, with the six Foreign Ministers of the region. The EU counts on its future members for united responses to the current geopolitical challenges through solidarity and close cooperation. pic.twitter.com/MTHtQ4NQF0
— European External Action Service – EEAS 🇪🇺 (@eu_eeas)