Sekreatari Amerikan i Shtetit, Anthony Blinken i kundërpërgjigj pretendimeve të Hamasit se SHBA dhe Izraeli i dhanë fund armëpushimit sepse donin që armiqësitë të rifillonin.
“Është e rëndësishme të kuptojmë pse pauza mori fund – ajo mori fund për shkak të Hamasit,” thotë ai.
Ai përmend raketat e lëshuara në Izrael nga grupi përpara përfundimit të armëpushimit dhe një të shtëna në Jerusalem dje si shembuj të Hamasit që dëshmojnë se nuk kishte interes të respektonte kushtet e marrëveshjes.
“Ajo [gjithashtu] hoqi dorë nga angazhimet që mori përsa i përket lirimit të disa pengjeve,” shton ai.
Ai thotë se fokusi i SHBA-së është në kthimin e pengjeve, por më gjerësisht “të nesërmen” për Gazën dhe rajonin më të gjerë të Lindjes së Mesme.
Çelësi është “hyrja në një rrugë drejt paqes dhe sigurisë së qëndrueshme”.
Ai shton se SHBA vazhdimisht po u kujton autoriteteve izraelite që t’i mbajnë civilët e Gazës të sigurt – dhe se ai e kishte parë vendin të bënte hapa për ta siguruar këtë.
“Për momentin, fokusi për t’u siguruar që ata mund të bëjnë gjithçka që është e mundur… për t’u siguruar që civilët janë të mbrojtur, për t’u siguruar që ndihma humanitare të hyjë.”