Organizata Studentore “Reforma” sot ka mbajtur një aksion simbolik para Ministrisë së Arsimit, në shenjë proteste për rezultatet e Testit PISA si dhe gjendjen e arsimit në Kosovë.
Studentë në shenjë pakënaqësie kanë vendosur diplomën e ministres Arbërie Nagavci në objektin e ministrisë.
Ata po ashtu kërkuan reforma në fushën e arsimit.
Ndryshe, dy ditë më parë Kosova është renditur pothuajse në vendet e fundit në rezultatet e testit të PISA-s për vitin 2022.
Kosova ka zënë vendin e 78-të nga 80 shtete pjesëmarrëse, pra ka rënie nga viti 2018 për 11 pikë. Vendi ka zënë pozitën e 76-të për lexim, 77-të për shkencë si dhe pozitën e 74-të për matematikë./Telenews/