Josef Fritzl, austriaku që përdhunoi dhe burgosi vajzën e tij në një burg të ndërtuar nën shtëpinë e tij për 24 vjet, po kërkon lirimin nga burgu, sipas avokatit të tij.
Fritzl, 88 vjeç, mund të transferohet në një shtëpi pleqsh, nëse avokatja e tij, Astrid Wagner, është e suksesshme në apelimin e saj në emër të tij, raporton The Guardian.
Inxhinieri elektrik u dënua me burgim të përjetshëm në vitin 2009 për përdhunimin, inçestin dhe burgosjen e vajzës së tij, Elisabeth, dhe shtatë fëmijëve që ajo kishte me të, një prej të cilëve u konsiderua nga gjykata se ishte vrarë nga Fritzl, pasi ai dështoi për të ofruar ndihmë mjekësore për fëmijën.
Wagner tha se një raport i fundit psikiatrik mbi Fritzl vendosi se ai nuk përbënte më një kërcënim për shoqërinë. Një gjykatë mund të vendosë ta transferojë atë në një burg normal. Por Wagner tha se Fritzl, i cili ka demencë, duhet të lejohet të kalojë ditët e tij të mbetura në një shtëpi kujdesi. Ajo ka thënë se ka aplikuar për lirimin e tij me kusht.
Rasti doli në dritë në vitin 2008, kur Elisabeth Fritzl arriti të komunikonte me policinë se po e mbante rob.
Fritzl e joshi atë në bodrumin, i ndërtuar në stilin e një bunkeri të luftës së ftohtë që ndonjëherë gjendet në shtëpitë austriake, kur ajo ishte 18 vjeç. Ai i tha gruas së tij dhe familjarëve se ajo kishte ikur për t’u bashkuar me një kult.
Krimet e tij u zbuluan për herë të parë kur një fëmijë i Elisabeth u sëmur rëndë dhe ai i çoi në spital, ku autoritetet bënë thirrje që nëna e tyre të dilte përpara. Ai e liroi atë nga burgu për t’u paraqitur para tyre dhe ajo arriti t’u komunikonte situatën e saj.
Fritzl po mbahet në një njësi të sigurisë së lartë për pacientët me probleme mendore në burgun Stein në Krems, në veri-lindje të Austrisë, jo shumë larg nga ish-shtëpia e tij në Amstetten.
Sipas ligjit austriak, të burgosurit mund të kualifikohen për lirim me kusht pas 15 vjetësh – në rastin e Fritzl-it, ky do të ishte viti 2023.