Policia e Kosovës ka njoftuar se janë ndëshkuar dy kundërvajtës, të cilët në zonën ku shpejtësia e lejuar është 40 km/h, po drejtonin automjetet me shpejtësi prej 152 km/h.
Në njoftim thuhet se policia në Mitrovicë, gjatë kontrollit të trafikut rrugor dhe matjes së shpejtësisë me radar në rrugën rajonale Mitrovicë- Skenderaj, në Klinë kanë identifikuar dy kundërvajtësit.
Ndaj tyre janë shqiptuar gjoba prej 300 euro, tre pikë negative si dhe iu është marrë patentë-shoferi për tre muaj, duke iu ndaluar vozitjen për këtë periudhë kohore.