Ministrja e Jashtme, Donika Gërvalla, është takuar të mërkurën me homologun e saj austriak, Alexander Schallenberg, ku ndër të tjera kanë diskutuar për zhvillimet në vend dhe sulmin terrorist në Banjskë, raporton Gazeta Sinjali.
Siç thuhet në njoftim, Gërvalla e ka informuar Ministrin për Evropë dhe Marrëdhënie Ndërkombëtare të Austrisë rreth veprimeve destabilizuese të Serbisë, si sulmi në Banjskë dhe sulmi ndaj KFOR-it.
“Temë tjetër me rëndësi e diskutuar mes dy mistrave ishte edhe informimi në detaje rreth veprimeve destabilizuese të Serbisë, si sulmi në Banjskë, sulmi ndaj KFOR-it dhe veprimeve tjera që rrezikojnë paqen dhe stabilitetin në Ballkanin Perëndimor.”