Me duartrokitje e brohoritje është pritur lirimi i Sami Lushtakut nga baza e EULEX-it, të premten në mbrëmje.
Lushtaku u lirua pas rreth një ore intervistim në zyrat e EULEX-it, pas ndalimit të tij në mbrëmje në dalje te Prishtinës te Hotel Emerald.
Një numër i madh i njerëzve ishte mbledhur te zyrat e EULEX-it për të pritur lirimin e tij.
“Vetëm i është konfiskuar telefoni mobil si herave të kaluara mendojmë se ky veprim bie ndesh me ligjin pasi që ai e ka nuk e ka statutin e personit të dyshuar dhe i është cenuar privatësia sepse i është marrë telefoni mobil dhe natyrisht që do të paraqesim të gjitha mjetet juridike me kohen dhe pranë organeve kompetente. nuk ka pasur paralajmërim për arrestim dhe nuk është i dyshuar”, deklaroi Qerkini.