Një aksident i rëndë ka ndodhur mbrëmjen e sotme në autostradën Tiranë-Durrës, ku një automjet “Mercedes-Benz” është përplasur me një karburant dhe për pasojë janë lënduar katër persona, shoferi dhe tre pasagjerë.
Gjendja e tyre shëndetësore raportohet të jetë rëndë, teksa dyshohet se shkak i aksidentit ka qenë tejkalimi i shpejtësisë.
“Durrës/Informacion paraprak: Rreth orës 20:15, në autostradën Durrës-Tiranë, shtetasi M. Ç., 30 vjeç, duke drejtuar automjetin ka humbur kontrollin mbi drejtimin e automjetit dhe për pasojë është përplasur me një shtyllë në një karburant. Si pasojë janë dëmtuar drejtuesi i automjetit shtetasi M. Ç dhe pasagjerët shtetasit K. G, N. V dhe E. V, të cilët ndodhen nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.”, thuhet në njoftimin e policisë së Durrësit.