Drejtori i të ashtuquajturës Zyrë për Kosovën, Petar Petkoviq tha se nesër me delegacionin nga Beogradi do të udhëtojë për në Bruksel për vazhdimin e dialogut që ishte paralajmëruar për të martën.
Sipas Petkoviq, diskutimi është në nivel teknik dhe do të flitet për Asociacionin por edhe për dinarin.
“Tema sigurisht që është Asoacioni si temë e parë dhe bazë, por çështja e dytë e rëndësishme është deeskalimi dhe në kuadër të deeskalimit, mbi të gjitha, çështja e dinarit dhe vendimi i njëanshëm i Albin Kurtit t’u ndalohet serbëve të marrin rroga, pensione, përfitime sociale dhe të gjitha të tjerat, gjë që çon në një fatkeqësi humanitare në Kosovë”, thotë Petkoviq në RTS.