Arabia Saudite do të marrë pjesë për herë të parë në konkursin Miss Universe, duke e bërë atë një ngjarje historike për vendin islamik.
Ky është një hap tjetër për Arabinë Saudite, e cila ka hequr petkun e saj konservator nën princin e Kurorës, Mohammed bin Salman Al Saud.
Modelja 27-vjeçare, Rumy Alqahtani, e bëri publik lajmin në postimin e saj në Instagram se ajo do të përfaqësojë mbretërinë në një nga konkurset më të njohura në botë., raporton The Statsman.
Modelja shpërndau edhe disa fotografi të saj, ku shihet e veshur me një fustan glamuroz.
Në postimin e saj në rrjetin social “Instagram”, Alqahtani shkroi në arabisht “Jam e nderuar të marr pjesë në konkursin Miss Universe 2024. Kjo është pjesëmarrja e parë e Arabisë Saudite në konkursin e Miss Universe”.