Të dielën luhet ndeshja e katërt e serisë finale në Superligën e Kosovës në basketboll.
Kjo sfidë luhet në palestrën ”13 Qershori” në Therandë.
Ekipi i Yllit ka njoftuar pak momente më parë lidhur me shitjen e biletave, pasi pritet të ketë interesim të madh.
Klubi therandas ka bërë me dije se biletat shiten vetëm me letënjoftim dhe poashtu në palestër nuk mund të hyhet pa letërnjoftim.
Nga ky postim i klubit therandas lë të nënkuptohet se biletat do të shiten vetëm për tifozët vendas, derisa vlen të ceket se mbrëmë në Mitrovicë nuk pati tifozë mysafirë.
Serinë finale aktualisht po e kryeson Trepça 2-1, derisa titulli i kampionit mund të vendoset të dielën.