Për sot parashikohet të mbajë mot me diell dhe vranësira të pakta në pjesën e parë të ditës, ndërsa gjatë orëve të pasditës dhe mbrëmjes, pritet të ketë shtim të vranësirave, të cilat në zona të caktuara pritet të sjellin rrebeshe të izoluara shiu, të shoqëruara me disa shkarkesa rrufesh. Kujdes! Rrezik nga dehidrimi dhe goditja e nxehtësisë nëse qëndroni jashtë për periudha të gjata kohore.
Era do fryjë drejtimesh të ndryshme, e cila kohë pas kohe pritet të jetë e fuqishme, konkretisht në ato zona ku ka zhvillime të vranësirave, me shpejtësi prej 15-45 km/h.
Temperaturat minimale do të lëvizin prej 17 deri në 21°C, ndërsa ato maksimale prej 34 deri në 37°C.