Kosova mori një fitore të thellë me rezultat 4-0 në udhëtim tek Qipro, duke lënë kështu pas krahëve humbjen e dhimbshme që pësuan ndaj Rumanisë në ‘Fadil Vokrri’.
Një prej lojtarëve më të mirë në fushë në këtë takim ishte padyshim Vedat Muriqi, i cili ishte autor i dy golave të shënuar.
Fillimisht ai arriti që të shënojë në minutën e tetë duke u treguar i saktë nga pika e bardhë për rezultatin 1-0.
Ylli i Mallorcas nuk u ndal më kaq dhe e gjeti edhe golin e dytë, kësaj radhe në minutën e 20-të pas asistimit të Donat Rrudhanit.
Mirëpo, ajo që i la tifozët të habitur ishte fakti se Muriqi nuk u paraqit më në pjesën e dytë dhe u zëvendësua nga Albion Rrahmani i cili eventualisht arriti të shënojë.
Sidoqoftë, ai kishte dashur që të luajë me çdo kusht në këtë duel dhe për këtë arsye e sforcoi veten për ta nisur nga minuta e parë.
Si do që të jetë, lëndimi duket se nuk e ka lënë rehat gjatë ndeshjes, pasi sulmuesi shtatgjatë ka kërkuar zëvendësimin pas pjesës së parë, shkaku edhe i një përplasje që pati me portierin Visar Bekaj.
Mbetet të shihet se sa ka qenë serioz ky lëndim dhe se a do të jetë i gatshëm Muriqi për ekipin e tij Mallorca pas pauzës së kombëtareve/Telenews/