Dy deputetët e Lëvizjes Vetëvendosje, Eman Rrahmani e Visar Korenica, ka zyrtarizuar angazhimin e tyre me koalicionin “Lista për Familjen” që përbëhet nga Aleanca Kosova e Re dhe Partia e Drejtësisë.
Zyrtarizimi i bashkëpunimit është bërë të martën në një konferencë për media.
“Kauza për familje është kauzë mbi partiake. Pjesë e këtij projekti do të jenë personalitete që e kanë dëshmuar veten dhe kanë një storie suksesi në jetën e tyre. Sot në këtë konferencë për media dua të shpreh mirënjohjen ndaj qytetarëve. Sot po bashkohemi në ‘Listën për Familjen’ dhe po bëhemi bashkë kundër Kodit Civil që cenon familjen. Përgjatë këtyre tri viteve kemi arritur të ndalim shumë iniciativa kundër familjes. Këto ligje kanë qenë të papranueshme dhe ndaj shteteve evropiane”, tha deputeti Rrahmani