Suedia dhe Danimarka po zbatojnë plane të reja për të ndaluar martesat me kushërinjtë mes frikës se praktika kontribuon në dhunë në dhe “shtypjen” në familje
Të mërkurën, zyrtarët në Stokholm propozuan një ndalim të martesave të kushërinjve pasi një studim i fundit përmendi rreziqe specifike për vajzat dhe gratë, të cilat përballen me shtypjen e përditshme dhe dhunën në familje.
Pas hetimit, ministri suedez i drejtësisë, Gunnar Strömmer, argumentoi se martesa me kushërinjtë shpesh çon në një kufizim të lirisë individuale. Qeveria suedeze ka mbledhur të gjitha provat dhe ka propozuar që ndalimi të hyjë në fuqi nga korriku 2026.
Një ditë më vonë, udhëheqësit e qeverisë daneze ndoqën shembullin dhe thanë se përfundimisht do të ndalonin martesat me kushërinjtë. Kryeministrja daneze Mette Frederiksen tha në televizionin shtetëror se qeveria e saj gjithashtu dëshiron të ndalojë përfundimisht martesat me kushërinjtë.
Të dy vendet po ndjekin hapat e Norvegjisë – e cila vendosi një ndalim për martesat mes të afërmve të afërt disa kohë më parë.