Deputeti i PDK-së, Ferat Shala, tha se kryeministri Albin Kurti po paraqitet i painformuar për “aferat korruptive”, ndërsa tha se ai “të gjitha i di”.
Duke folur në seancën e jashtëzakonshme të Kuvendit për situatën me ushqim në FSK, Shala tha se asgjë nuk bëhet pa dijeninë e kryeministrit.
“Kush mund të besojë sot që ndodhin të gjitha këto afera korruptive dhe kryeministri nuk e di?”, pyeti ai. “Të gjitha i di”.
Ai tha se kryeministri po “ik” nga llogaridhënia.
“Kryeministri prapë ik dhe nuk e di deri kur do të ikë. Jam i bindur që në një moment të caktuar, askush s’do të mund t’i ikë as drejtësisë, e as aspektit moral, njerëzor”, tha Shala.