Për ata që nuk kanë provuar kurrë të pinë kafe pa sheqer, mund të duket e çuditshme, por po ju themi se pirja e kafesë pa sheqer mund të zgjasë jetën, të luftojë sëmundjet dhe madje të rrisë inteligjencën tuaj.
Hulumtimet tregojnë se pirja e kafesë pa sheqer dy herë në ditë ka përfitime të shkëlqyera shëndetësore. Ja 11 përfitime të kafesë pa sheqer dhe se si ajo ndikon pozitivisht në shëndetin tuaj:
1. Përmirëson kujtesën
Kafja pa sheqer ndihmon në përmirësimin e kujtesës. Studimet shkencore tregojnë se njerëzit që konsumojnë kafeinë para detyrave të kujtesës kanë rezultate më të mira. Kafeja pa sheqer bllokon një neurotransmetues të quajtur adenozinë, duke rritur funksionet e trurit.
2. Parandalon prishjen e dhëmbëve
Pirja e moderuar e kafesë pa sheqer ka veti antibakteriale dhe ndihmon në parandalimin e prishjes së dhëmbëve.
3. Ndihmon tretjen
Kafja pa sheqer funksionon si pastrues i mirë i stomakut, duke larguar bakteret dhe toksinat përmes urinës, çka ndihmon në parandalimin e parazitëve që mund të shkaktojnë probleme stomakut.
4. Parandalon sëmundjet e mëlçisë
Kafja pa sheqer ndihmon në mbrojtjen e mëlçisë dhe ul rrezikun e zhvillimit të cirrozës deri në 80%. Ajo gjithashtu ndihmon në parandalimin e kancerit në mëlçi.
5. Rrit metabolizmin dhe ndihmon në humbjen e peshës
Kafja pa sheqer ka shumë pak kalori, duke e bërë atë një ndihmues të shkëlqyer për metabolizmin dhe humbjen e peshës. Ajo gjithashtu ndihmon në djegien e yndyrës, sidomos nëse konsumohet para ose pas stërvitjes.
6. Parandalon Alzheimerin dhe dementian
Konsumi i rregullt i kafesë pa sheqer është treguar se ul rrezikun e Alzheimerit dhe dementias deri në 65%, duke përmirësuar funksionet e trurit dhe kujtesën.
7. Mban zemrën të shëndetshme
Kafja pa sheqer stimulon metabolizmin, duke parandaluar bllokimin e arterieve nga yndyrat dhe kolesteroli. Ajo gjithashtu ndihmon në reduktimin e inflamacionit, një faktor tjetër që shkakton probleme kardiovaskulare.
8. Parandalon diabetin tip 2
Pirja e kafesë pa sheqer ul rrezikun e zhvillimit të diabetit tip 2. Një studim i Harvardit tregoi se njerëzit që pinë kafe kanë 11% më pak shanse për të zhvilluar këtë sëmundje.
9. Ndihmon në parandalimin e kancerit
Pirja e dy filxhanëve kafe pa sheqer çdo ditë ka veti antikancerogjene, duke reduktuar rrezikun e zhvillimit të kësaj sëmundjeje vdekjeprurëse.
10. Siguron antioksidantë
Kafja është burimi më i madh i antioksidantëve. Antioksidantët ndihmojnë trupin të luftojë radikalët e lirë që mund të shkaktojnë dëmtime qelizore.
11. Redukton celulitin
Pirja e kafesë pa sheqer, përveç që rrit metabolizmin dhe djeg yndyrën, ndihmon gjithashtu në reduktimin e celulitit duke përmirësuar qarkullimin e gjakut.
Në përfundim, kafja pa sheqer jo vetëm që ju ndihmon të shijoni shijen e saj të pastër, por ofron edhe përfitime të shumta për shëndetin tuaj.
Edhe me pak sheqer, kafeja mund të jetë ende e mirë për shëndetin.
Me ose pa pak sheqer, kafeja lidhet me një jetë më të gjatë, sipas një studimi të publikuar në internet më 31 maj 2022, nga Annals of Internal Medicine. Studimi përfshiu më shumë se 170,000 njerëz të shëndetshëm (mosha 37 deri në 73 vjeç) të cilët raportuan informacionin e tyre shëndetësor dhe zakonet e pirjes së kafesë dhe u ndoqën për rreth shtatë vjet.
Krahasuar me njerëzit që nuk pinin kafe, njerëzit që pinin kafe pa sheqer (të pakafeinuar ose pa kafeinë) çdo ditë kishin deri në 30% më pak gjasa të vdisnin gjatë periudhës së studimit. Kishte gjithashtu një efekt mbrojtës nga kafeja e ëmbëlsuar me sheqer (rreth një lugë çaji për filxhan), dhe ndoshta me përdorimin e ëmbëlsuesve artificialë. Përfitimet më të mëdha u panë tek njerëzit që pinin 1,5 deri në 3,5 filxhanë në ditë. Studimi ishte vëzhgues dhe nuk vërtetoi përfundimisht se kafeja përmirësonte jetëgjatësinë.
Megjithatë, kafeja përmban komponime të fuqishme bimore me veti anti-inflamatore dhe antioksiduese që janë të mira për shëndetin. Ndërsa kafeja e ëmbëlsuar me sheqer gjithashtu shoqërohej me mbrojtje, shtimi i sheqerit nuk ofron mbrojtje shtesë dhe konsumimi i tepërt i sheqerit gjatë një dite (jo vetëm në kafenë tuaj) shoqërohet me sëmundje të ndryshme kronike dhe vdekje të parakohshme.