Pas më shumë se dy muajsh në arrati, reperi nga Shqipëria Arkimed Lushaj i njohur si Stresi, është dorëzuar në Policinë e Kosovës.
Lajmin e ka konfirmuar zëdhënësi i Policisë për Rajonin e Pejës, Driton Rugova.
Rugova ka thënë se ai është paraqitur në polici bashkë me avokatin.
“Po, rreth orë 9:00, personi i kërkuar Arkimed Lushaj është vetëdorëzuar në polici së bashku me avokatin e tij. I njëjti ishte shpallur në kërkim nga policia para disa javësh”, ka deklaruar Rugova.
Ai ishte shpallur në kërkim lidhur me një përleshje që kishte ndodhur në një diskotekë në Pejë, nën dyshimin për veprat: “Ndihma nё kryerjen e veprës penale” dhe “Lёndim i rёndё trupor”.