Bayern Munichu ka fituar 5:0 të mërkurën mbrëma ndaj Hoffenheimit, në ndeshjen e xhiros së 17-të të Bundesligës gjermane.
Bavarezët çështjen e fituesit e mbyllën që në pjesën e parë kur realizuan tre herë.
Leroy Sane në minutën e shtatë e hapi serinë e golave.
Për 2:0 shënoi Raphael Guerreiro, kurse Harry Kane, që asistoi në golin e dytë, realizoi nga penalltia në minutën e 26-të.
Sane shënoi tjetër gol në minutën e 48-t, kurse Serge Gnabry e realizoi golin e fundit në ndeshje në minutën e 66-të.
Bayerni mbetet lider në Bundesligë me 42 pikë, katër më shumë se Leverkuseni.
Hoffenheimi në vendin e 16-të ka 14 pikë. Po lufton për mbijetesë.