Agjencia e OKB-së për refugjatët palestinezë thotë se Izraeli po shkel detyrimet e ligjit ndërkombëtar duke e urdhëruar atë të lirojë të gjitha objektet në Jerusalemin Lindor të pushtuar dhe të ndërpresë operacionet e tij në to deri më 30 janar.
“Ambientet e Kombeve të Bashkuara janë të pacenueshme dhe gëzojnë privilegje dhe imunitete sipas Kartës së Kombeve të Bashkuara”, thuhet në një deklaratë, duke shtuar se Izraeli është i detyruar të respektojë privilegjet dhe imunitetet e OKB-së, duke përfshirë “respektin për ambientet e Kombeve të Bashkuara”.
“Prona dhe asetet e UNRWA-s, përfshirë në Jerusalemin Lindor, janë të imunizuara nga kërkimi, rekuizimi, konfiskimi, shpronësimi dhe çdo formë tjetër ndërhyrjeje”, shtoi agjencia, duke pretenduar se “retorika anti-UNRWA” e autoriteteve izraelite po vendos “objektet e saj dhe personeli në rrezik”.
“Shteti i Izraelit duhet të marrë të gjitha masat e duhura në përputhje me detyrimet e ligjit ndërkombëtar për të siguruar që pronat dhe instalimet e UNRWA-së të respektohen dhe mbrohen”, tha UNRWA.