Cristiano Ronaldo ka prezantuar veturën e re me vlerën 275,000 € pas performancës së jashtëzakonshme ndaj Tottenham ku shënoi “hat-trick”.
Sulmuesi i Manchester United mbërriti në stërvitjen e Djajve të Kuq me një Aston Martin DBS Superleggera, me vlerë rreth 275,000 €, dhe i shoqëruar nga truproja e tij personale, zbuloi Mirror.
Modeli i automjetit u bë më i rëndësishëm pasi u shfaq në pjesën e fundit të James Bond: No Time To Die. Ka një motor V12 5.2 litrash me turbo dyfishtë. Ka një shpejtësi maksimale prej 338 km/h dhe mund të shkojë nga 0 në 100 km/h në vetëm 3,4 sekonda.