Një incident i rëndë ka ndodhur mbrëmë pas mesnatës në rrugën “Shkupi” në Prishtinë, ku janë dëgjuar të shtëna nga arma e zjarrit dhe për pasojë një person ka mbetur i plagosur. Rasti është konfirmuar nga Policia, ndërsa tashmë është zbuluar edhe identiteti i viktimës, raporton Gazeta Sinjali.
Sinjali mëson ekskluzivisht se personi që ishte cak i gjuajtjes me armë është 43-vjeçari, Avni Cakolli, i cili po trajtohet në QKUK.
Ndërkaq, personi i dyshuar për plagosjen e 43-vjeçarit tashmë është identifikuar nga Policia e Kosovës.
Hetimet në lidhje me këtë rast kanë filluar, ndërsa po punohet në drejtim të lokalizimit dhe arrestimit të personit të dyshuar.
Nga Policia kanë bërë të ditur procedurat e ekzaminimit të vendngjarjes po vazhdojnë, me qëllim të sqarimit të plotë të rrethanave të rastit.
The post Ekskluzive: Ky është 43-vjeçari që mbeti i plagosur nga gjuajtja me armë në Prishtinë appeared first on Sinjali.