Barcelona ka shënuar fitoren e radhës në La Liga.
Katalonasit triumfuan pastër 0:2 në udhëtim ndaj Las Palmas, në kuadër të javës së 25-të në elitën e futbollit spanjoll.
Pjesa e parë u mbyll pa gola të shënuar, teksa Dani Olmo dha epërsinë e mysafirëve në minutën e 62-të të ndeshjes.
Në minutën e pestë shtesë, Ferran Torres shënoi për 0:2.
Me këtë fitore, Barcelona shkon në kuotën e 54 pikëve në vendin e parë, një më shumë se Atletico Madridi dhe tri më shumë se Real Madridi që luan nesër.
Në anën tjetër, Las Palmas mbetet i 17-ti me 23 pikë të grumbulluara.