Policia e Kosovës ka njoftuar se më 25.02.2025, një qytetar në Prizren ka dorëzuar një kuletë të cilën e kishte gjetur në parkun e qytetit.
Sipas njoftimit, në kuletë kishte dokumente personale, disa kartela dhe para të gatshme në vlerë prej 260 euro.
Policia thotë se nëpërmjet rrugëve operative ka arritur që të identifikojë personin që e kishte humbur kuletën dhe të njëjtit pas verifikimit në bazë të procedurave ligjore i janë kthyer portofoli me para dhe dokumentet e gjetura.
“Duke çmuar këtë gjest human, të devotshëm dhe të ndershëm falënderojmë qytetarin e ndërgjegjshëm, po ashtu falënderojmë të gjithë qytetarët për bashkëpunimin dhe besimin e vazhdueshëm në Policinë e Kosovës”- thuhet në komunikatën e Policisë.
https://www.facebook.com/KosovoPolice/posts/937327365274189?ref=embed_post