Skuadra e Atletico Madrid ka shënuar fitore të madhe në javën e 26-të në La Liga, duke mposhtur kështu Bilbaon me rezultat minimal 1:0.
Golin e vetëm në këtë ndeshje e shënoi sulmuesi i Kombëtares së Argjentinës, Julian Alvarez, shkruan indeksonline. Alvarez shënoi një gol të bukur pas një asisti nga Llorente në minutën e 66’të.
Me këtë fitore, ekipi i “Cholo” Simeones shkon në kuotën e 56 pikëve në pozitën e parë, dy më shumë se Barcelona dhe Real Madridi (54).