Politikën e jashtme të vendit e ka quajtur “të ngordhur”, ish-diplomati kosvoar, Avni Arifi, në atë që e vlerësoi për “pasivitet” në dritën e kthesave të mëdha gjeopolitike me qendër nga Shtetet e Bashkuara të Amerikës.
Për Arifin pasivitet i tillë i diplomiacisë kosovare “nuk është parë as në vitet e 90’a”.
“Alarmant është pasiviteti i politikës së jashtme të Kosovës, veçanërisht që nga nëntori i vitit të kaluar.
Një pasivitet i tillë nuk është parë as në vitet ’90. E tëra është tërësisht e ngordhur, ndërsa fati i së ardhmes së Kosovës është vënë në numërimin e votave të diasporës, trafikimin e qenieve njerëzore (blerjen e deputetëve) dhe sabotimin e numërimit të votave. Këta janë “patriotët” e Kosovës sot në pushtet”, shkruan ai.