Në raportin 24-orësh të Policisë së Kosovës, raportohet se një burrë është arrestuar në Prishtinë, pasi që i njëjti kishte sulmuar fizikisht dhe kanosur me armë vëllain e tij dhe kunatën, pas një mosmarrëveshje.
Policia gjatë kontrollit në shtëpinë e të dyshuarit ka gjetur dhe konfiskuar substancë e dyshuar narkotike e llojit marihuanë.
“Është arrestuar i dyshuari mashkull kosovar, pasi që i njëjti pas një mosmarrëveshje rreth një prone kishte kanosur me armë dhe kishte sulmuar fizikisht vëllain dhe kunatën e tij. Gjatë kontrollit tek i dyshuari është gjetur dhe sekuestruar substancë e dyshuar narkotike e llojit marihuanë. I njëjti pas intervistimit me vendim të prokurorit është dërguar në mbajtje”-thuhet në Raport.
Rasti në Raportin e Policisë është cilësuar për “kanosje dhe posedim i narkotikeve”./Telenews.al/