Kandidati për kryeministër nga radhët e PDK-së, Bedri Hamza, thotë se presidentja Vjosa Osmani nuk do t’ia mbajë krahun Lëvizjes Vetëvendosje, pasi sipas tij është e qartë ligji dhe Kushtetuta.
“Është e detyruar ta ndjek ligjin dhe Kushtetutën”, thotë Hamza në emisionin “Rubikon”.
“Nuk po paragjykoj se kush do të jetë presidenti apo presidentja mandatin e ardhshëm, mirëpo realisht secili prej neve, kur kalojmë dhe bëhemi pjesë të institucioneve, flamurin politik duhet me e lanë në partitë politike”, tha ai, transmeton Klankosova.tv.
Sa i përket se a mund të jetë Osmani edhe për një mandat presidente, Hamza thotë se kjo varet krejt prej raportit të forcave politike se si janë në Kuvendin e Kosovës.