Sekretarja e përgjithshme e PDK-së, Vlora Çitaku përmes një postimi në Facebook tha se me zemër të thyer mori lajmin lajmin për ndarjen nga jeta të Haxhi Thaçit, babit të ish-presidentit, Hashim Thaçi.
Ajo u shpreh se përkundër moshës, dhimbjes e sëmundjes, siç u shpreh ajo, zemra i rrahu deri në momentin që sytë mundën ta shihnin edhe një herë të birin.
“Me zemër të thyer mora lajmin për ndarjen nga jeta të bacës Haxhi. Një jetë e jetuar me dinjitet, me përkushtim e dashuri për familjen, njerëzit, dhe vendin e tij”.
“Përkundër moshës, dhimbjes e sëmundjes, zemra i rrahu deri në momentin që sytë mundën ta shihnin edhe një herë të birin. Një testament dashurie dhe force deri në frymën e fundit”, ka shkruar Çitaku.