Një aksident i rëndë trafiku ka ndodhur sot pasdite në hyrje të qytetit të Skenderajt, saktësisht në fshatin Klinë e Ulët.
Si pasojë e përplasjes mes automjeteve, një person ka humbur jetën në vendin e ngjarjes, ndërsa tre të tjerë kanë pësuar lëndime trupore. Policia dhe ekipet e emergjencës kanë dalë menjëherë në vendin e ngjarjes, ku është bërë edhe transportimi i të lënduarve për trajtim mjekësor.
Ende nuk janë dhënë detaje zyrtare rreth identitetit të viktimës apo shkaqeve të aksidentit. Hetimet janë duke vazhduar.