Moderatorja e njohur Bora Zemani ka ndarë me ndjekësit emocionet e saj pas prezantimit të instalacionit të parë artistik nga partneri i saj, Donald Veshaj.
Në një postim në rrjete sociale, Bora u shpreh jashtëzakonisht krenare për arritjen e Donaldit, duke theksuar se më në fund publiku po njeh anën e tij artistike.
“Krenare për ty @donaldveshaj. Jam shumë e lumtur që më në fund të gjithë po fillojnë të shohin pak nga arti yt! Ky është instalacioni i parë dhe jam e bindur, shumë të tjera do të ketë më pas, duke njohur talentin, përkushtimin dhe pasionin e madh që ti ke! Të dua!”, ka shkruar Zemani.
Instalacioni mban titullin “Heart Remains”, dhe është pritur me shumë interes nga publiku dhe ndjekësit e çiftit.