Ekonomisti Kushtrim Ajvazi ka kërkuar nga qeveria në detyrë disa sqarime se pse nuk e kanë miratuar vitin e kaluar projektligjin e ri për energjinë.
Ai ka vlerësuar se ky projektligj është dashur të miratohej para zbatimit të liberalizimit të tregut të energjisë.
Në profilin e tij në “Facebook”, Ajvazi ka shtruar disa pyetje për Qeverinë Kurti.
“Po, ligji për energjinë është nga viti 2016. Por e vërteta tjetër është kjo: Në vitin 2024, Qeveria e Kosovës vetë e hodhi në diskutim publik projektligjin e ri për energjinë – sepse e kuptuan se ligji ekzistues është i vjetruar dhe nuk i përgjigjet më realitetit të tregut. Por pse nuk e votuan këtë ligj të ri para se të vendosin liberalizimin e tregut të energjisë? Si mund të dalin në treg të ashtuquajtur “të lirë”, kur vetë po pranojnë se ligji aktual nuk është më i përshtatshëm?”, ka shkruar Ajvazi.