Ajo që duhej të ishte një natë festimi historik për tifozët e Paris Saint-Germain pas fitores ndaj Inter Milanit në finalen e Champions League, përfundoi në dhunë dhe tragjedi.
Një 17-vjeçar u vra me thikë në qytetin jugperëndimor të Dax gjatë një grumbullimi festues, ndërsa një grua që po lëvizte me skuter në jugperëndim të Parisit humbi jetën pasi u përplas nga një makinë, transmeton klankosova.tv.
Sipas Ministrisë së Brendshme franceze, plot 559 persona u arrestuan, prej tyre 491 vetëm në Paris, në mes të kaosit që përfshiu rrugët e qyteteve franceze pas ndeshjes. Ajo që nisi si një triumf sportiv përfundoi me dhunë, tragjedi dhe dhjetëra të ndaluar.